Gazel
Tan mıdur itse gönül nâle vü efgân bu gice
Gelmedi meclise ol dilber-i fettân bu gice
Tâ seher kalsa gönül zulmet içinde ne aceb
Yanmadı karşuma ol şem’-i şeb-istân bu gice
Ne aceb ağlar ise bülbül-i cân çünki gelüp
Gülüp eglenmedi ol yüzi gülistân bu gice
Sâkîyâ def’-i melâl itmege peymâne getür
Çün sıdı dilberümüz ahd ile peymân bu gice
Gelüp ol serv-i revân olmadı yanumca revân
Gözlerüm itdi revân yaşlar ile kan bu gice
Vuslatı şem’ini çün yakmadı ol yâr gelüp
Fürkati nârına Avnî yüri sen yan bu gice
Bu kelâm ile Nizâmî işidürse sözüni
İlteler sana hased Sa’di vü Selmân bu gice
Doğan, Muhammed Nur (hzl.) (2007). Fatih Divanı ve Şerhi. İstanbul: Yelkenli Yay. 223.
