/ . . - - /. . - - /. . –
Tâli’üm yâr degül yâr-ı cefâkâr gibi
Gün mi gösterdi bana çarh-ı sitemkâr gibi
Doğdı şol kimselerün başına devlet güneşi
Ki kapun beklediler sâye-i dîvâr gibi
Kimseler gelmez iken dâyireme devründe
Çarh ser-geşte idüpdür beni pergâr gibi
And içerlerdi hamâyıl gibi başuma ezel
Şimdi döndürdi yüzin her kişi tomâr gibi
Ger sadef gibi tehî-dest isen gam yime kim
Sözlerün var Revânî dür-i şehvâr gibi
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
