132
Fâ‘ilâtün fâ‘ilâtün fâ‘ilâtün fâ‘ilün
1 Tâb u tâkat komadı dillerde bu güftâr-ı ‘aşk
Yakdı yandurdı dil-i ‘uşşâkı işbu nâr-ı ‘aşk
2 Günde bir gûne havâdis perdeden eyler zuhûr
Derk olınmaz bir ‘aceb bâzârdur bâzâr-ı ‘aşk
3 Bu zuhûrâtıñ esâsı bir muhabbetdür hemân
Bu cihânı anıñ içün yapdı bu mi‘mâr-ı ‘aşk
4 Tîşe-i zikr ile mahkûk olsa ger zâhir olur
Künc-i dilde muhtefîdür cümleten esrâr-ı ‘aşk
5 Pest ü bâlâda degildür giç tekâpûdan hemîn
Zâhid eger añlar iseñ cândadur gül-zâr-ı ‘aşk
41a 6 Men ‘aref sırrına vâkıf olmayan fehm eylemez
Sırr-ı mübhemdür açılmaz ma‘nâ-yı tïmâr-ı ‘aşk
164
7 Lâl-veş dem-beste kaldı em ümîdiyle yatur
Sıdkî-i bî-çâre olmuş gâlibâ bîmâr-ı ‘aşk
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
