Sûz-ı gamdan yanıcak yâri perîşân eylerüz
Şimdiye dek itdügi cevre peşîmân eylerüz
Her ne yüzden togsa sînem sahnını pür şevk ider
Cevr ider dirsek biz ol meh-rûya bühtân eylerüz
Sîme mâ’il ola yohsa âhile ey genc-i hüsn
Künbed-i çarhı yakup dünyâyı vîrân eylerüz
Girye-i hûnînümüz çün şöyle mücrim ‘addider
Gamzesi gibi sanasın günde biñ kan eylerüz
N’ola zevk itse Behiştî şi‘rümüzden müdde‘î
Kâfiri hüsn-i kelâm ile müselmân eylerüz
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
