49
Fe‘ilâtün fe‘ilâtün fe‘ilâtün fe‘ilün
1 Sürdi sahrâ-yı dile ‘aşk ile şâhâne semend
Sayd içün gerdenime zülfini ol itdi kemend
2 İmtinân-ı felegi çekmez eliñ ‘âlemde
Yetişür hırka ile başıña bir sâde nemed
3 İsteme hâcetiñi özgeden ‘ârifsen eger
Nâsır ü Hâdî Odur turma hemân iste meded
4 Cümle kârı görilür bende eger bir kerre
Sanem adıñ unudup dirse hulûs ile Samed
5 Zenbine tâ’ib olup dîdesine nem gelse
Cürm-i bisyâra bakup çâkerini itmez red
6 Sad-hezâr dâne olur gerçi şecerde ammâ
Fer‘a bakma nazar it asla sakın sayma ‘aded
7 Baglasañ bahr-i muhîti yine sö(yü)nmez Sıdkî
Âteş-i firkat-i yâr ile yanar cân ü kebed
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
