Gazel
Sür’at itme iy ecel cismümde gam cândur henüz
Gamzeler zahmı gönül derdine dermândur henüz
Bir dem eglen iy felek gönlüm sarâyın yıkma kim
Ol perî-peyker hayâli anda mihmândur henüz
Tîğ-i gamzenden kaçar çeşmünle ceng itmez kişi
Gerçi dâğ-ı fürkatün sînemde kalkandur henüz
Tîrünün peykânıdur cismümde her mû iy sanem
Var kıyâs it kim ne denlü tende peykândur henüz
Kanını peykânlarun yaşum dile irdükçe yur
Gel nazar kıl yaşumun rengine kim kandur henüz
Bu sebebden dûd-ı âhumla gelür bûy-ı kebâb
Âteş-i gamla ciger cismümde biryândur henüz
Dûr olaldan ol sanemden merdüm-i çeşmün senün
Kara geymiş mâtem içre Adli giryândur henüz
Bayram, Yavuz (2009). Amasya’ya Vâlî Osmanlı’ya Pâdişâh Bir Şair: Adlî (Hayatı, Şahsiyeti, Şairliği, Dîvân’ının Tenkitli ve Orijinal Metni). Amasya: Amasya Valiliği Yay. 223.
