652
Mef‘ûlü/ Fâ‘ilâtü/ Mefâ‘îlü/ Fâ‘ilün
‘Âşıklarını yazdı yine defter eyledi
Ser-defter eyledi beni dilde yir eyledi
Pâ-mâl-i cünd-i derd ü belâ eyledi beni
İklîm-i hüsne ol ki seni server eyledi
Berg-i giyâh idüp beni hâk-i mezellete
Gülzâr-ı hüsne kâmetüñi ‘ar‘ar eyledi
Sultân ‘Ali ki Düldül-i hüsne süvârdur
Minnet Hudâ’ya aña beni Kanber eyledi
Ravzî şikâyet eyleme cevr-i zamâneden
Her ne ki eyledise saña dil-ber eyledi
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
