.--- / .---
Şular kim şâ‘irân-ı nükte-sencânı begenmezler
Gurâb-ı şûmlardur ‘andelîbânı begenmezler
Nola hem-sohbet-i ihvân-ı nâ-ehl olmasa kâmil
Girân-cânân ezelden ehl-i ‘irfânı begenmezler
Zemîn-i mülk-i Mısr-ı ‘aşkda ‘uşşâk-ı şeydâlar
Levendâne degülse mâh-ı Ken‘ânı begenmezler
Cefâ dirler güzeşte- hûb-rû her gün tırâş olsa
Zarâfet-pîşe dehr-i köhne-cânânı begenmezler
25a.
Leb-i âb-ı zülâlüñ gird-hat-ı sebz-gûnuñda
Görenler zulmet içre âb-ı heyvânı begenmezler
Çekenler zahmını ol gamze-i ser-tîz-i pîrânuñ
Şu‘â‘-ı hûn-rîz-i tîg-i Kirmânı begenmezler
Sa‘îdâ elde iken kâr-gâh-ı kân-ı endîşe
Gürûh-ı ehl-i diller dürr-i ‘ummânı beğenmezler
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
