220.
. - . - / . . - - / . - . - / . . –
1.Şükûfe üzre ‘ayân itdi katreler jâle
Çiçek suyı çıkarur var ise seher jâle
2.Döker sabâ bulıcak giceden açık kalmış
Egerçi câm-ı güli pür-şarâb ider jâle
3.‘Arûs-ı bâga meger dögme yakadur gül-i ter
‘Aceb mi aña virürse dür ü gevher jâle
4.Çemende beñzedi zerrîn-kadeh nigîn-dâne
İçinde lü’lü-i ter kondurur meger jâle
5.‘Atâyî atlâs-ı âl-i güli yitişdürdi
Açup sabâ yakasın dikdi dügmeler jâle
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
