Fe‘ilâtün/ Fe‘ilâtün/ Fe‘ilâtün/ Fe‘ilün
Sûfiye nakş-ı cemâlüñ göz ile kaş gelür
‘Ayn-ı uşşâka velî cilve-i nakkâş gelür
Zahm-ı tîguñla bürür sînemi hûn katreleri
Çaldıran deştine gûyâ ki Kızılbaş gelür
Benem ol mest ki nüh künbed-i hum-hâne-i devr
Himmetüm çeşmine bir dâne-i haşhâş gelür
Tâlib-i genc-i visâl olalı dünyâda baña
Kîmyâ hâk-i siyeh dürr-i güher taş gelür
Her ne ‘âşık ki anuñ bâdesi zehr-i gam ola
Ey Behiştî baña ol merdüm-i ‘ayyâş gelür
Dr. Yaşar AYDEMİR, BEHİŞTÎ DÎVÂNI,
Behişti Ramazan
