245
- - . / . - - . / . - - . / . - -
Sûfî ne gözüm yaşına ne âha sığındum
Ben yiri gögi yaradan Allâha sığındum
Çün kullarınun cürmi durur lutfına bâ’is
Yüz karalığ ile kerem-i şâha sığındum
Fürkat elemin devlet-i vaslunla unutdum
Bahtum güneşi sıdk ile sen mâha sığındum
Virdüm yile ‘ışkunla bu dem hırmen-i sabrı
Kendüm tağıdup âh-ı sehergâha sığındum
Pîr oldı bana ‘ışk cihân içre Revânî
Sanma beni kim mürşid-i gümrâha sığındum
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
