231.
 - - . / - . - . / . - - . / - . –
 
1.Subh-ı bahârdur yine ezhâr uyanmadı
 Gün togdı başına dahi eşcâr uyanmadı
2.Dîvânın itdi hüsrev-i nev-rûz subh-dem
 Mahmûr düşdi nergis-i bîmâr uyanmadı
3.Lâle çerâgını yakamaz rûzgârdan
 Bezm-i çemende şem‘-i pür-envâr uyanmadı
4.Tuymaz nigâhuñı kılıcak yasdanup uyur
 Şükr it göñül o gamze-i hûn-hâr uyanmadı
5.Murg-ı seher terânede yâr hurûşda
 Ammâ ‘Atâyî baht-ı siyeh-kâr uyanmadı
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994