425
- . - - / - . - - /- . - - /- . –
Subh-dem tur sâkiyâ toldur yine peymâneyi
Rûşen eyle âfitâb-ı câm ile kâşâneyi
Virse ma’niden haber mescidde vâ’iz tan mıdur
Kim hum-i mey gibi tutmış gûşe-i hum-hâneyi
Nâzenînler dâsitân-ı ‘ışkumı dilden komaz
Tıfllar ez-ber okurlar dâyimâ efsâneyi
Kûyunun dârü’ş-şifâsında tabîb-i cân ü dil
Takdı zencîre gözüm yaşı bu ben dîvâneyi
Dâmen-i şem’i Revânî koma elden irse şeb
Kim tekellüfsüz temâşâ itdürür cânâneyi
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
