Mefâ‘îlün/ Mefâ‘îlün/ Mefâ‘îlün/ Mefâ‘îlün
Şu kim peşmîne-i erbâb-ı ‘ışkuñ kıymetin bilmez
Sa‘âdet ehlidür ‘izz ü sa‘âdet hıl‘atin bilmez
Gelüp mey-hâneye sûfî iderse ta‘ne ‘uşşâka
Edebsüzdür kovuñ ol bu harîmüñ hürmetin bilmez
Gam okı zahmınuñ derdin ne bilsün sîne-i mesrûr
Sahîhü’l-bâl olan ehl-i belânuñ zahmetin bilmez
Köki Tûbâ gibi servüñ yukaru gelmek ister kim
Boyuñla bahse turmış bâd-ı âhum gayretin bilmez
Behiştî her ki bu şîrîn kelâma olmaya kâ’il
Mezâkında halel vardur ma‘ânî lezzetin bilmez
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
