Su gibi sâf kıl sözi fikr ile vir cevâb
Her ne dilüñe gelse ögütme çü âsyâb
Bakup kalursa yaşuma n’ola o serv-kadd
Gözler alur revân olıcak sür’at ile âb
Göksu’ya döndi cism-i nizârum dögünmeden
Yir yir içinde âbileler san habâb
Göñlüm müşevveş olsa n’ola zülf-i yârda
Bir kuş ki dâma düşse bulur lâ-büd ıztırâb
La’liyle çeşmine vireli dil Figâniyâ
Gözde agızda kalmadı hîç lezzet ile hˇâb
Karahan, Abdulkadir (hzl.) (1966). Kanunî Sultan Süleyman Çağı Şairlerinden Figânî ve Divançesi. İstanbul: İÜEF Yay. 32.
