82
Mef‘ûlü Mefâ‘îlü Mefâ‘îlü Fe‘ûlün
1 Söz açmada ey gonca dehânuñ gibi hîç yok
Kıl yarmada dikkatde miyânuñ gibi hîç yok
2 Hîç yok dimez emmek dilesem leblerüñ amma
Yokdan gelür ey gonca zebânuñ gibi hîç yok
3 Cânâ senüñ ânuñ gibi her dil-berüñ ânı
‘Âşık depeler didiler ânuñ gibi hîç yok
4 Çün mülk-i ‘adem oldı senüñ menzilüñ ey dil
Var öyle huzûruña ki mekânuñ gibi hîç yok
5 Sun‘î başı top eyledi çevgânuña ey şeh
Baş oynayıcı yoluña anuñ gibi hîç yok
6 Şi‘irüme nazîre diyimez kimse dimüşsün
Gerçek sözüñ elhak ki yalânuñ gibi hiç yok
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
