FāǾilātün FāǾilātün FāǾilātün FāǾilün
1 Şöyle sūzān ol ki āteş-ħāneler reşk eylesün
Āteş olsun şemǾalar pervāneler reşk eylesün
2 Dügme-i zer-tāruňı çöz sįne-i sįmįnüň aç
Çāk çāk olsun śadef dür-dāneler reşk eylesün
3 Nįm-bismil murġ veş çıķ ħāne-i ħummārdan
Şįve-i reftāruňa mestāneler reşk eylesün
4 NaŧǾ-ı Ǿirfānuň śuǾūd it rütbe-i vālāsına
Beydaķ-ı iķdāmuňa ferzāneler reşk eylesün
5 Ĥāmiyā bir kākül-i müşgįne ol dil-beste kim
Ħalķa-i zencįrüňe dįvāneler reşk eylesün
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
