-131-
Fâ`ilâtün Fâ`ilâtün Fâ`ilâtün Fâ`ilün
1 Sohbet eyleñ yâr ile vakt-i bahâr elden gider
Bâde nûş eyleñ kenâr-ı cûy-bâr elden gider
2 İledüñ pîr-i mugâna bir du`â kılsun baña
Mest-i `aşkam korkarın kim ihtiyâr elden gider
3 Ey müselmânlar melâmet eylemeñ âh eylesem
Kûy-ı yâra varıcak nâmûs u `âr elden gider
4 Ey göñül cevrini zevk añla cefâsını vefâ
Bir zaman olur ki yâr-ı şîve-kâr elden gider
5 Göricek yâruñ cemâlin `aklum olur târ u mâr
Bir belâdur görmesem sabr u karâr elden gider
6 Ey süvâr-ı esb-i nâz igende magrur olma kim
124
Başuña sevdâ düşer bir gün mehâr elden gider
7 Ey Ziyâ’î mest olalum şevkine ol meh-veşüñ
Bir dem olur kim şarâb-ı hoş-güvâr elden gider
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
