- . - - / - . - - / - . - - / - . –
 
1.Şîve-i reftâruña öykünmez ey serv-i bülend
 Saña nisbet kebgdür bürkân ayaklı derd-mend
2.Tutmasun âhum hazer kıl kaçma ey serv-i bülend
 Halka halka dûd-ı sîne oldı bir müşgîn kemend
3.Âbda ahker söyündürdüm degül göz merdümi
 İtmek içün hasta çeşmüñden senüñ def‘-i gezend
4.Deldi geçdi sûzen-i dil-dûz gamzeñ bagrumı
 Hâtırumdan geçmedi ammâ o zülf-i bend bend
5.Ey ‘Atâyi pür kılan fikr-i lebiyle göñlümi
 Meclis-i rûhâniyâne eylemiş bir şîşe kand
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994