31.
.-.- / ..-- / .-.- / ..-
Sitâre yâver-i tâli‘midür felek Behzâd
Olaydı ben de idem pençe tâb-ı ferruh-zâd
Velî ne hâsıl olur baña tevsen-i bed-baht
Ne deñlü râm ola dirsem ider o deñlü ‘inâd
Ne esdi bâg-ı murâda nesîm-i lutf u kerem
Ne gördi gonca-ı dil gülşen-i cihânda güşâd
Metâ‘-ı cehl-i revâyîş- pezîr şehr-i sürûr
Nukûd-ı fazl u hüner oldı vakf-ı gam âbâd
Baña bu deñlü hüner yine ma‘rifetdendür
Bıdâ‘at-ı hünere kim revâc elinden dâd
Çü cehl-mâye –i ‘izzet imiş ‘ibâdet ile
Benüm o târik-i ‘irfân her -çi bâd-âbâd
Kalem ki nahl-ı ma‘ârif dinür irince elem
Esîr-i mihnet olup gamdan olmadum âzâd
Geçince cânuma evzâ‘-ı çarh-ı kec-reftâr
Bu nazmı şi‘r-i Züheyr üzre eyledüm bünyâd
Be-zencîred-i eyyâm ez-ân şikeste-dilem
Kücâ revem be-ticâret-i bed în-metâ‘ kesâd
Temettu‘i ki men ez-fazl der-cihân-ı deyrem
Heme cefâ-yı peder pûd-ı sille-i üstâd 44
21b.
Yiter Sa‘îd yiter ur dehâne mühr-i sükût
Zebân-ı hâmeyi itme şikâyete mu‘tâd
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
