Fâ`ilâtün Fâ`ilâtün Fâ`ilâtün Fâ`ilün
1 Sînemi zeyn itdi dâğ-ı tâzeden bir gonçe-leb
Sahn-ı `ışkuñ gülleri oldı şüküfte yine hep
2 Düşmese âgûş-ı dilden n`ola çeng-i nâlemüz
Bezm-i lutfuñ böyle germ-â-germine oldur sebeb
3 Gamzelerle nâz iderken hışma âgâz eyledi
Şevk-i lutf oldı ser-â-pâ âteş-i berk-i gazab
4 Dergehin dil-dâdeden pâk itdi ammâ dâyimâ
Hâne-i dil-dâdesinde ol şeh-i kudsî-neseb
5 Lutf-ı câvîd-i hayâlin dil görüp hemvâre dir
Ey zihî bezm-i visâl ü v`ey hoşâ `ayş u tarab
6 Hamdü li`llâh seyr ider dil bir cihân bâğında kim
Yâd olınmaz vasl u hicrân fark olınmaz rûz u şeb
7 İtse izhâr-ı tegâfül `ayn-ı lutf-ı gamze bil
Âha ruhsat virme Nâmî eyleme terk-i edeb
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
