FāǾilātün FāǾilātün FāǾilātün FāǾilün
(64/a)
1. Sįnemi pür-pāre idüp ħançer-i müjgān-ı yār
Aġız açup yāreler yir yir didiler ķan-ı yār
2. Tįr-i yāri ķandasın diyü ararken yāremüñ
LaǾl [ü] yāķūt ile ŧutdı aġzını peykān-ı yār
(64/b)
3. Yāreler śanmañ Ǿuyūnumdur ki nāžır oldılar
Ĥālümi görsün diyü şol nergis-i mestān-ı yār
4. İki biçmişdür ġazāl-i çeşm-i cānānı görüñ
Bir Ǿaceb ħūnį güzeldür ġamze-i fettān-ı yār
5. Bāķıyā baśsa ayaġın yüzüme bir kez gelüp
Cān virüp yolında olurdum o dem ķurbān-ı yār
Beyhan KESİK, BİR YAZMADAN HAREKETLE BÂKÎ’NİN YAYIMLANMAMIŞ ŞİİRLERİ, Turkish Studies - International Periodical For The Languages, Literature and History of Turkish or Turkic Volume 7/1 Winter 2012, p.1489-1500 , TURKEY
