71.
- . - - / - . - - / - . - - / - . –
1.Sînem üzre çâklerden âteş-i sûzân çıkar
Hâdken gûyâ ki yir yir lâle-i nu‘mân çıkar
2.Çeşm-i pür-hûn râz-ı ‘aşkı halka fâş itdi diyü
Kirpügüm çep-râstlar urdukca andan kân çıkar
3.Girmesün câna ‘adû efsâne ile koynuña
‘Âşık-ı sâdık geçer ammâ sakın yalan çıkar
4.Küşt-gîr-i ‘aşk-ı dil-berle çıkışmaz kimse hîç
Gerçi kim meydâna biñ Rüstem-i destân çıkar
5.Nazmum âfâkı tutar dirdüñ sözüñ çıkmaz mı gör
Ey ‘Atâyî sen hele tertîb idüp dîvân çıkar
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
