Fâ‘ilâtün Fâ‘ilâtün Fâ‘ilâtün Fâ‘ilün(1)
1. Sîneden çün tîrüñüñ cerrâh peykânın çeker
Zahmumuñ agzından ol dem sanki dendânın çeker
2. Zülf-i yâra bâd-ı âhum şöyle girdi kim eger
Pister-i hüsn içre yatur görse yorganın çeker
3. Hatt-ı haddinden gubâr-âlûde olmasun diyü
Gülşen-i ruhsâra inse zülfi dâmânın çeker
4. Niçe biñ diller asar zülf-i dil-âvîzüñ senüñ
İrişür Çînden sabâ hîç korkmaz urganın çeker
5. Şâne havf itmez mi Emrî bâd-ı âhumdan benüm
Ellere uyup niçün zülf-i perîşânın çeker
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
