95.
Fâ‘ilâtün fâ‘ilâtün fâ‘ilâtün fâ‘ilün
Remel - . - - / - . - - / - . - - / - . –
01. Sînede ėy şem‘-i şeb-ârâ yakup bir tâze dağ
Tekye-i ‘ışkuŋda ben abdâluŋı ėtdüŋ çerâğ
02. Var-ısa pervâneye kasd eylemişdür hışm-ıla
Şem‘ meclisde bu şeb çekdi yine yalıŋ yarağ
03. Kanda gitsün gülşen-i kûyuŋ koyup dil bülbüli
Sünbülüŋle gül yüzüŋ olmışdur aŋa râg u bâğ
04. Nergisüŋ nabzını dutdum çeşmüŋüŋ bîmârıdur
Ėy tabîb-i cân kimesne yok gibi ‘âlemde sağ
05. Bâde-i ‘ömrüŋ VUSÛLÎ cür‘aveş çün hâk olur
Bir el öŋdin ‘ârif ol çek bezm-i dünyâdan ayağ
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010
