Sikenderveş berây-ı fitne Seddü’l-Hazer çekdi

 
212
 mefâ‘îlün mefâ‘îlün mefâ‘îlün mefâ‘îlün
 
 1 O şûhı sanmañuz âgûşa ol sîmîn-kemer çekdi
 Sikenderveş berây-ı fitne Seddü’l-Hazer çekdi
 
2 Hayâlüñ dilde ammâ dîde mehcûr-ı cemâlüñdür
 Birisi sûdmend oldı bir hayli zarar çekdi
 
 3 Bilür câm-ı sabûhı neş’esinüñ kadrini ol kim
 Humâr-ı meclis-i dûşîneden çok derd-i ser çekdi
 
 4 Sorarsa ol perî bâd-ı sabâ hâl-i dil-i zârı
 Perîşân oldugı zülfüñ gibi ey şûh gerçekdi
 
 5 Gözüm pertev alınca nüsha-i hatt-ı ‘izâruñdan
 Müjem yazdı derûna cedvelin hûn-ı ciger çekdi
 
 6 Sen olduñ ‘âşıkuñ maksûd-ı remzi ey gül-i ra‘nâ
 Ki levh-i sînesine dâğ yakdı şerhalar çekdi
 
 7 Nice şâyân-ı tahsîn olmaya nev-güfte-i ‘Âsım
 Ki dest-i tab‘ı Kâmî rişte-i nazma güher çekdi
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0