Sihr o şûhun beste çeşm-i gamze-i câdûsudur
Çeşme-i mahbûbân kemend-i zülfünün âhûsudur
Baglamış lardır “Enel-hak” küfrünün zünnârını
Berhemenler kim mukîm-i mâ’bed-i gîsûsudur
Câmdır kandîl-i gülreng-i şebistân-ı visâl
Bûsenin yâkût-ı mey gülreng-i şeftâlûsudur
Sanki mihrâb-ı Harîm-i Ka’benin kerrârıdır
Ol nigeh kim hâne-zâd-ı kûşe-i ebrûsudur
Hasret-i hâl-i ruhunla gark-ı mevc-i âteşiz
Hu’le-i eşkin sevâd-ı çeşmimiz Hindûsudur
Bikr-i manîdir serâser sûret-i Meryemleri
Öyle bir bühtânenin şimdi gönül nâkûsudur
Mevc urur âyîn-i Mevlânâdan zevk-i iştiyâk
Bâng-i ney Gâlib o bezmin na’ra-i Yâ Hûsudur
https://ekitap.kulturturizm.gov.tr/Eklenti/10654,metinpdf.pdf?0
