Mefâ‘ilün Fe‘ilâtün Mefâ‘ilün Fe‘ilün
1 Sezâ ki sürmeveş olsam siyâh-mest-i nigâh
Bu gün o merdüm-i çeşmüm libâs itdi siyâh
2 İdince câme-i şebgûnı ile cilve-gerî
Siyâh ider ruh-ı hurşîdi dûd-ı şu‘le-i âh
3 Nezâresine o şûhun çıkar girîbân-çâk
Sevâd-ı şâm-ı şeb-i kadr olursa hil‘at-ı mâh
4 Tasavvur-ı ruhına çeşm-i dâg-ı nâ-mahrem
Müşâhid-i leb-i la‘line fikr-i bûse günâh
5 Siyâh-pûş iden ol ka‘be-i temennâyı
Netîce-i eser-i baht-ı tîredür Âgâh
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
