Fâ‘ilâtün fâ‘ilâtün fâ‘ilâtün fâ‘ilün
 
1 Seyr-i hüsn-i gül olur çün mürg-i nâlâna lezîz
Yanmadan şem‘a olur gâyetde pervâne lezîz
2 Eylemek celb-i havâtır hüsn-i ahlâk iledür
Sû-i etvâr hîç gelür mi tab‘-ı ihvâna lezîz
3 Âmed ü şüd sıkletinden hânesin ârzû ider
Çok da hoş gelmez ikâmet ehline dükkân lezîz
4 İrtikâb eyler cihânda mihneti zînet içün
Câme-i köhne gelür mi ehl-i ‘ünvâna lezîz
5 Fâ’ide virmez sühan ehl-i hevâya Sıdkiyâ
Gelmez aslâ pend-i ‘aklî mest ü nâ-dâna lezîz
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0