136
mefʿūlü mefāʿīlü mefāʿīlü feʿūlün

Şevḳuñle yanan dillere pervāne disünler
Sen şemʿ olıcaḳ ʿāşıḳuña yā ne disünler

Uş cān vireyin sen delü ḳanlunuñ öñinde
Öldi yine şol bir delü dīvāne disünler

Ḳanumı içer cürʿa diyu ġamze·i sāḳī
Ṣıḥḥatler ola hey gözi mestāne disünler

Zülf·i siyehüñ göñlümüz almamaġ iderse
Zencīrüñe çek ola ki uṣlana disünler

Kūyuñda baña itlerüñ ürürse ḳayırmaz
Ulularumuz ḥālümi sulṭāna disünler

Bir vech ile ṣūret virelüm şiʿre Necātī
Kim ẖalḳ be baḳ maʿnī·i Selmāna disünler

Ey bād·ı ṣabā var yüri yārāna ẖaber vir
Ṭarz·ı ġazeli şöylece rindāne disünler
 
 
Ali Nihad Tarlan, Necāti Divanı -