Fâ`ilâtün fâ`ilâtün fâ`ilâtün fâ`ilün
1 Şevk bir meydür neşât-efzâ benüm mestânesi
`Aşk bir gencînedür gönlüm anun vîrânesi
2 `Aşk ol mey-hânedür kim bâdesidür hûn-ı dil
Sâgar-ı çeşmümdür ol mey-hânenün peymânesi
3 Zülf-i pîç-â-pîçi diller bend ider zencîrdür
Uslı varur kim o zencîrün olur dîvânesi
4 Şâh-râh-ı `aşkda câna konardı derd ü gam
Dahı bünyâd olmamışdı dehr mihmân-hânesi
5 Dûd-ı âhın seyr idüp Yahyâ'nun ol âfet dimiş
Yanmış ol bezm-i mahabbet şem`inün pervânesi
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
