Ser-i zülfünde figan eylemek âyin oldı
Nâle-i dil ceres-i kâfile-i Çin oldı
Âb-ı hayvandan iki cedvel olup efsürde
Şûh-ı sîmin-tenime sâk-ı bilûrîn oldı
Ukde-i hâtırı biz halle şitâb etdikce
O büt-i ser-keşin ebrûları pür-çîn oldı
Safvet-i tab‘ımız artırdı gurûr-ı hüsnün
Mest-i nâzım bakup âyîneye hod-bîn oldı
Sûz-ı aşk olmadı derdime devâ hayf Nedîm
Baht-ı hâbîdeye dâğım gül-i bâlîn oldı
Prof. Dr Muhsin Macit, Nedim Divanı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, KÜLTÜR ESERLERİ 511
