Mef‘ûlü Fâ‘ilâtü Mefâ‘îlü Fâ‘ilün
1 Ser-geşte-i mahabbet-i dilber mi olmaduk
Bin kere bezm-i ‘aşkda sâgar mı olmaduk
2 Yetmez mi itdi tevsen-i nâzına pây-mâl
Dil-hˇâhı üzre hâke ber-â-ber mi olmaduk
3 Eyyâm-ı devletünde gönül olmaduk ne var
Âzürde-i hezâr-ı sitemger mi olmaduk
4 Nâ-puhte sanma mecmer-i pür-sûz-ı ‘aşkda
Dûd-ı siyeh mi ‘ûd mı ‘anber mi olmaduk
5 Deryûze-i neşât iderek la‘l-i yârdan
Âgâhveş yanında muhakkar mı olmaduk
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
