Mefâ’îlün/ Mefâ’îlün/ Mefâ’îlün/ Mefâ’îlün
Hezec: . - - - / . - - - /. - - - / . - - -
1 Ser-âgâz-ı kelâm eyle görinsin dürr-i şehvârun
Toyılmaz zevkine cânâne nâzik tatlı güftârun
2 Akarsular gibi akdı gönüller rûy-mâl oldı
Amân ey serv-i dil-cûyum görince nâz u reftârun
3 Eger gitdünse yanumdan benüm ey nâzenînüm sen
Dilümden hîç gider mi ârzû-yı rûy u dîdârun
4 Nigâh-ı mest ü nâzundur iden âhûları meftûn
Cihâna sihr iderse çok degildür çeşm-i sehhârun
5 Gazeller ihtirâ’ itdün belî ‘aşkıyla cânânun
‘Aceb Yâver senün de bir kitâb olmaz mı âsârun
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0
