Müfte‘ilün Fâ‘ilün Müfte‘ilün Fâ‘ilün
1. Sende eger gamze var bende gözüm yâre çoh
Sende eger nîze var bende ciger-pâre çoh
2. Sen gibi yokdur bana Hind-i ciger-hâreler
‘Arsa-i ‘âlemde ger Hind-i ciger-hâre çoh
3. Ben gibi rüsvây-ı ‘aşk yokdu velâkin eger
Bâdiye-i mihrde Kays tek âvâre çoh
4. Bî-ser ü pâ çerh-zen ben gibi yokdur velî
Dâire-i çerhde gerçi ki devvâre çoh
5. Ah şifâ-hâne-i hikmete vardım tabîb
Söyledi yokdur sana çâre eger çâre çoh
6. Nâz yeter intizâr virme nikãb at yüzün
Keşf kıl ey mâh-ı men seyrine nezzâre çoh
7. Sâye-i zülfünde yok Mîr Nigârî gibi
Kara güni gerçi var anda güni kara çoh
SEYYİD MÎR HAMZA NİGÂRÎ
Prof. Dr. Azmi Bilgin , Nigârî [ö. 1885], DÎVÂN, 2011, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, 3289 KÜLTÜR ESERLERİ 482
