Mef‘ûlü/ Fâ‘ilâtü/ Mefâ‘îlü/ Fâ‘ilün
Sen var iken iki gözüm agyâra kim bakar
Gül-berg-i tâze elde iken hâra kim bakar
Hünkâr şehre geldi diyü seyre çıkdılar
Her kûşe dil-rübâ tolu hünkâra kim bakar
La‘l-i lebin gören kişi nev-hatları n’ider
Sâfî şarâb var iken esrâra kim bakar
Görmek senüñ müyesser iken pâk çihreñi
Dünyâ zeni didükleri murdâra kim bakar
Her kûşeden gelür Behişti şerbet-i ecel
Gurbetde sen sakın dime bîmâra kim bakar
Behişti Ramazan
