Fâ`ilâtün fâ`ilâtün fâ`ilâtün fâ`ilün
1 Sen karîn-i şem`-i meclis ben habîbümden ırak
Bir midür pervâne-sûz-ı vasl ile sûz-ı firâk
2 Ka`betü'l-uşşâk kûyına irişdürse Hudâ
Döne döne eylesem ol şâha arz-ı iştiyâk
3 Dest-i ihsânunla zulmânî hicâbı ref` kıl
Tâ kim ol dergâha varam alnum açık yüzüm ak
4 Her makâmun bir makâli var Hicâz'ı an bana
Eylemez kûyın koyup uşşâk âheng-i ırak
5 Kalmasun Yahyâ ten-i fersûdede yoldaşdan
Kûy-ı yâre gitmege cân ü dil itmiş ittifâk
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
