Fâ`ilâtün fâ`ilâtün fâ`ilâtün fâ`ilün
1 Sen gülüp açılmada gülşende verd-i ter gibi
Ben gözüm yaşına gark olmakda nîlüfer gibi
2 Cûy-ı eşküm başdan aşdı`aşkum efzûn olalı
Deştde seyl-âb ile tugyân iden sular gibi
3 Kanda bir medhûş-ı mey görsek zebûn u pây-mâl
Mest-i `aşkun her biri bakılsa şîr-i ner gibi
4 Yok yire derd-i dilün sorma tabîb-i gâfile
Bir bilür yokdur anı âlemde hîç dil-ber gibi
5 Olagör her yirde ol merd-i Hudânun peyrevi
Er gibi bas ayagun meydâna Yahyâ er gibi
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
