Mefâ‘ilün Fe‘ilâtün Mefâ‘ilün Fe‘ilün
1 Şehîd-i ‘aşk mezârında sanma lâle çıkar
Derûn-ı dildeki âh-ı hezâr-sâle çıkar
2 Dökündi hûn-ı ciger cûş-ı giryeden şimdi
Sirişk yerine çeşmümden âh u nâle çıkar
3 Esîr-i mihnet-i devrân o tîre-bahtam kim
Felekden eylesem ümmîd-i mâh hâle çıkar
4 İder dehânumı hûn-ı dil ile âlûde
Çü gonçe-hˇân-ı emelden ki bir nevâle çıkar
5 Garîb-i bî-kesem Âgâh ben ki öldükde
Verâset-i suhan etfâl-i hatt u hâle çıkar
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
