Seher yili nefes urdı örü dur iy sâkî (665/1)
Elüme sun var-ısa şol gicekiden bâkî
Münevver eyle kadeh nûrı-y-ıla bâtını kim (665/2)
Müzeyyen itdi sabâhuñ safâsı âfâkı
Elüme sun kadehi ko bu zerki kim Rezzâk (665/3)
Givürmeyesidür uçmaga hîç zerrâkı
Dur örü yatma i sâkî ki sâli-yân yatavuz (665/4)
Bu kara toprag içinde uzaduban sâkı
Nüvâht eyle nevâda kim ol yüzi nev-rûz (665/5)
Muhayyer eyledi ışkı-y-la râst-uşşâkı
Devâyı ölmedin eyle benüm bu derdüme sen (665/6)
Çü zâr zâr ola rencûr n’ide tiryâkı
Mahabbetüñi ebed mülkine iledem kim (665/7)
Ezelde baglamışam sinün-ile mîsâkı
Utârid Ahmedi nazmın işitdi hacletden (665/8)
Oda yahup kalemin suya saldı evrâkı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
