Fâ‘ilâtün Fâ‘ilâtün Fâ‘ilâtün Fâ‘ilün(1)
1. Şeh-süvâr-ı ‘ışkam âhum dûdıdur çevgân baña
Çarh meydân gûy-ı sîmîndür meh-i tâbân baña
2. Kasduma nâvek ki atar ol kemân-ebrû olur
hâlümi görüp ırakdan ney gibi nâlân baña
3. Görinen encüm degül dendânlarıdur şöyle kim
Her gice giryem görüp bu çarh olur handân baña
4. Derd okı peykânlarından cânuma geçdi benüm
Cânumı al ey ecel tek eyle bir dermân baña
5. Nice gam-nâk olmayam Emrî o mâhuñ ‘ârızı
Kendü hattı ile yazmış nâme-i hicrân bana
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
