Şeh-levend olmış ol âfet dîdebânı n’eylesün

 
 
 
161
fâ‘ilâtün fâ‘ilâtün fâ‘ilâtün fâ‘ilün
 
 1 Şeh-levend olmış ol âfet dîdebânı n’eylesün
 Ol gül-i hod-rûy her câ bâğbânı n’eylesün
 2 Nev-bahâr oldı n’ola sahrâ-neverd olsa o şûh
 Âfitâb-ı hüsn zîr-i sâyebânı n’eylesün
 3 Ol ser-âmed genc-i hüsnüñ vaslına mâlik olan
 Bir dahı ser-mâye-i deryâ vü kânı n’eylesün
 4 Ol dür-i şehvâr-ı hüsne müşterîdür her ‘Azîz
 Yûsuf-ı Mısr-ı melâhat kârvânı n’eylesün
 5 Gamze-i ser-tiz ile ebrûları der-dest iken
 Katl-i ‘uşşâk itmede tîr ü kemânı n’eylesün
 6 Hatt-ı ruhsârında bî-câdur niza’-ı kîl ü kâl
 Gerçi rûyı âteşîn-güldür duhânı n’eylesün
 7 Kâmiyâ bîş ü kem-i etvâr-ı dehri añlayan
 Nâbe-câ bir i‘tibâr-ı ‘izz ü şânı n’eylesün
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0