133
Mef‘ûlü Fâ‘ilâtü Mefâ‘îlü Fâ‘ilün
1 Şebdîz-i âhı çıksa göke her kaçan revân
Gülgûn-ı eşkini yeñemez ‘âşık ol zamân
2 Her sâde-rû ki allana vü yüzi açıla
Âyîne gibi gördügine yüz virür hemân
3 Sahn-ı çemende itdi elin pâre pâre serv
Görüp bu kadd ile seni ey Yûsuf-ı zamân
4 Umar mısıñ ki bitmeye hattuñ tırâş ile
Rûhum sanur mısın ki ecelden olur amân
5 Alduñ diyâr-ı ‘ışkı kılıcuñla Suniyâ
Toldı ser-â-ser âteş-i âhuñla bu cihân
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
