Şavkı yañaguñuñ bu dimâgumdadur henûz (282/1)
Zevki dudaguñuñ bu damagumdadur henûz
Yüzüñ-durur çirâgum gün togru bahamaz (282/2)
Ol nûra kim benüm bu çirâgumdadur henûz
Lalüñ didi ki derdüñe bir gün devâ kılam (282/3)
Ol gûher-i kelâm kulagumda dür henüz
Ser-mest düşdüm elden ayahdan aceb bu kim (282/4) c
Işkuñ şerâbı tolu ayâgumdadur henüz
Âb-ı revân olur yiri servüñ anuñ-ıçun (282/5)
Kaddüñ hayâli gözde karagumdadur henûz
Zikr eyledüm lebüñi ki cânlar hayâtıdur (282/6)
Şîrînligi dilümde dudagumdadur henüz
Sehv-ile gül didüm yüzüñe ol hacâlete (282/7)
Rengini gör ki nice yañagumdadur henüz
Kaşuñ diyü hilâle nazar itdüm ol hayâl (282/8)
Diken olup müjemde kabagumdadur henüz
İtdi_Ahmedîyi yoluña cân virmege heves (282/9)
Zülfüñ hevâsı kim bu dimâgumdadur henüz
https://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0
