. - - - / . - - - / . - - -/ . - - -
Şarâb-ı aşkı ey sâkî içen mestânelerden sor
Harâbât ehlinin hâllerini rindânelerden sor
Zülâli teşne-i lâ’l gibi mey-gûn-ı cânânı
Dem-âdem bî-tekellüf nûş eden peymânelerden sor
Bu hâletler sorulmaz mescîd içre mu‘tekiflerden
Hevâyı hûy-ı hâyı kûşe-i hum-hânelerden sor
Harîm-sûz aşkı sorma bülbülden seherlerde
Şeb-i zulmetten aşkıla yanan pervânelerden sor
Hakîkat sırrını mamûr olandan sorma ey zâhid
Sorarsan genc-i hakkı gel dil-i virânelerden sor
Dilâ esrâr-ı Mecnûnı ne bilsin merdüm-i gâfil
O zinciri cünûna bend olan divânelerden sor
Muhabbet lezzetin bilmek dilersen sen de Emrâhî
Zihî cânân içün cânın veren divânelerden sor
Dr. Burhan PAÇACIOĞLU, SİVAS KAYNAKLI BİR CÖNKTEKİ ERZURUMLU EMRÂH ŞİİRLERİ, KÜLTÜR EVRENİ - UNIVERSE OF CULTURE -
