287
Mefâ‘ilün Fe‘ilâtün Mefâ‘ilün Fe‘ilün
1 Şarâb gelmedin o çeşm-i nîm-meste henûz
Humâr-ı hecr ile dil olmış idi haste henûz
2 Şikeste olmış iken bezm-i gamda şîşe-i dil
Degüldi reng-i ruh-ı ‘âşıkân şikeste henûz
3 Rakîbe akmış idi su gibi dil-i cânân
Temâyül eylemedin cûybâr peste henûz
4 Göŋül fütâde-i bend-i hevâ-yı zülfüŋ iken
Ne dâm var idi ne sayd-ı pây-beste henûz
5 O dem ki haste-i dem-beste-i mahabbet idüm
Degüldi çeşm-i suhan-gûy-ı yâr haste henûz
6 Hadeng-i gamzesine dil nişân iken SÂKIB
Hedef nedür dahi bilmezdi tîr-i ceste henüz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
