-436-
Fâ`ilâtün Fâ`ilâtün Fâ`ilâtün Fâ`ilün
1 Sañmañuz bîhûde efgân eylerem bülbül gibi
Da`vî-i `aşk eylerem ben şâhidüm var gül gibi
2 Ey perî-peyker olan `aklum dahı tagılmasun
Çözme bu gîsû-yı `anber-bûyuñı sünbül gibi
3 Tañ degüldür olmasa ruhsâruñ üzre hâl eger
Rûmilinde hâsıl olmaz dâne-i fülfül gibi
4 Kâh olur kim mest-i câm-ı `aşka bir hâlet gelür
Derd-i serdür ol dahı başdan humâr-ı mül gibi
5 Sünbüli görsem Ziyâ’î dir perîşân-hâl olur
Bir belâdur ol dahı başdan baña kâkül gibi
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
