Sanma sûfî hırka egnümde külâhum serdedür
Bâdeye rehne konılmış her biri bir yerdedür
Var ise dîdâra meylüñ aradan şekki götür
Kim hicâb erbâb-ı ‘ışkuñ dîdesine perdedür
Ol zamândan kim bizümle bezm-i peymân eyledüñ
Gözlerüm ey ‘ahde durmaz halka gibi derdedür
Yazdılarsa cürm-i bisyârum Kirâmen Kâtibîn
Gam degül âh-ı nedâmet ol dahı defterdedür
Merd iseñ dehr-i denîden isteme hergiz murâd
Kim zen-i çarhuñ Behiştî himmeti nâ-merdedür
Behişti Ramazan
