79-
Fâ`ilâtün Fâ`ilâtün Fâ`ilâtün Fâ`ilün
1 Sanma dellâlı ki ol mahbûb-ı dellâl gezdürür
Çârsû-yı `aşk-ı Yûsufda hemân cân gezdürür
2 Çârsû-yı `aşkda zülfüñ hayâliyle göñül
Tıfldur gûyâ girüp bâzâra reyhân gezdürür
3 Var iken la`lüñ zülâli kimse bakmaz sükkere
Sükkeri bâzârîler dükkân-ı bed-kân gezdürür
4 Biz ırakdan baksak eyler bize ta`n ehl-i cihân
Dil-berüñ ra`nâların hep şimdi nâdân gezdürür
5 Dil Ziyâ’î ol leb-i rengîni medh eyler yürür
Çârsû-yı mihnetüñ dellâlı mercân gezdürür
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
