Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Sanma biz erbâb-ı şöhret gibi dârât ehliyüz
Hırkasın bir câma rehn itmiş harâbât ehliyüz
Âstân-ı deyr gamgînler ziyâretgâhıdur
Hâke yüz ursak biz anda n’ola hâcât ehliyüz
Na‘ramuzdan güm güm ötse kubbe-i gerdûn n’ola
Meclis-i rûhâniyân içinde hâlât ehliyüz
Hâle baksañ sûretâ ednâdan ednâyuz velî
‘Âlem-i ma‘nîde biz ‘âlî makâmât ehliyüz
Cür‘amuzdan behre-mend itdük Behiştî ‘âlemi
Şimdi biz hum-hâne-i vahdetde hayrât ehliyüz
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
